طفله نكد عليها كل من حط العقال

مابكيت من الفراق ولابكيت من الاذيّه
.....................كان شفت الدمعة فيني دمعتي علة وصال

ماطلبت تروح لاجلي ولاطلبت تموت فيّه
....................والفضا كله فراغٍ كاسرٍ فيني سواا

لا المدينه عاشقتني ولا الخلا ضم بدويّه
...................ولا الذيابه هاجمتني ولا طرحتني عالرماال

لا اكتبتني هالقصايد والحزن فيني ضحيّه
..................ولا إعزفتني هالربابه ولا انضرب فيني مثال

الزمان اللي عشقته خان بي بنتٍ وفيّه
...................ماسرقها من عيوني ..دامها صعبة منااال

كان صمتي حيل قاسي في عيونٍ سرمديه
...................وكان كل الحكي فيني ناسيٍ معنى الجداال

الغلا كله دفنته يوم ضاعت بي الحميّه
....................والوفا دسته بعيونٍ ماعرفتً معنى العدال

اعرف ان الصدق فيني يُعتبر كله خطيّه
......................وإعرف اني لاتركتك مالقيتك راس مااال

واعرف ان الذنب ذنبي يوم قلت فوالديّه
......................انك اغلى من عيوني وعشقنا عشقٍ حلااال

للاسف يومي احبك كنت احب بحسن نيّــــه
....................وادري انك كنت قاهر بالغلا قلوب الرجال

اعتذر لك بالنيابه عن وفا ساكن بنيّه
........................اعتذر كثر السحاب وكثر مابكاني دلال

عافت اعماقي القصايد والحروف الابجديّه
......................عافت اعماقي المشاعر من شروقي للزوال

كفكفي ياعين دمعك والله انك اجوديـــّه
.........................والله انك مابخلتي بالدمع والكحل سال

والله انك كنت اوفى من وقف لي وحس بيّه
.........................كنت اخلص من حنايا عشمتني بالوصال

دامك اوفى من بقى لي فعلمي نفوسٍ رديّه
..........................علميهم كبريائي وعزتي سر الجماال

عــــــلميهم ان جرحي اول واخر هذيّه
..........................وانه مهما باقيٍ بي لازم فلحظه يزال

علميهم اني طفلة اصلها بنت (.....)
..............................طفلةٍ نكّد عليها كل من حط العقال

طفلة ملتها المداين فيها حزن وجاذبيه
.........................طفلةٍ بس بالمها طيحت كل الرجااال

علميهم اني طفلة فيها حب وشاعريّـــه
......................ولا استفزيت المشاعر انقلب هالحال حال

علميهم ياقصايد لاقصدتي بسامريّــــه
............................علميهم ان حد الثايرة هدّ الجبال

قسوتي ماهي بسهلة قسوتي فيها اذيّه
.........................والغلط ماهو بقلبي الغلط مابه مجال

الغلط اني دمرته يوم تحرّش ببدويّه
.........................خصها ربي بصفاتٍ كاملة عقل وجماال

مابكيت الضعف فيني ولا بكيت من الاذيّه
.....................كان شفت الدمعة فيني دمعتي علة وصااال

منقوله لعيونكم

ربي يسلم هالانامل اللي نقلتها

ويسمنكـ ^^

يســـــــــــــــــــــــلمووو مولـــــتي مرره روعــــه

ربي يسلمكـ